01 October 2011

Kilalanin ang "9YL"

Kilalanin ang "9YL"
Gawa Ni: John B. Juat


Sumasaludo kami sa mga mabubuting lingkod ng bansa
Sila'y tunay na maka-bayan at tunay na maka-kapwa
Ating suportahan ng buong buo ang siyam na kongresista
Sino nga ba ang mga ito? Kilalanin na natin ang bawat isa

Kasama sa grupong ito si Cong. Fatima Aliah Dimaporo
Na siyang ipinaglalaban ang karapatan ng tao
Siya'y maganda at ginagamit ang kanyang talino
Para sa kapakanan at ikabubuti ng bawat Pilipino

Kasama sa grupong ito si Cong. Gabriel Quisumbing
Sa mga isyung mahalaga, halatang siya'y gising
Handa siyang makinig at tugunan ang mga hiling
Siya'y may mabuting prinsipyo, isang lalaking magiting

Nakikiisa rin si Cong. Lord Allan Velasco
Sa wastong paggamit ng ating mga pondo
Ibuhos ang pera para sa edukasyon at trabaho
Imbis na sayangin ito pambili ng kontraseptibo

Atin ding suportahan ang magiting na si Karlo Nograles
Na balak bumili ng mas modernong pangkalusugang materyales
Upang mas lalong protektahan ang sanggol sa matres
Inuuna niya ang serbisyo-publiko bago sariling interes

Kasapi rin ng "9YL" itong si Cong. Dax Cua
Siya'y nakikiisa sa pagprotekta sa pamilya
May paninindigan siya sa pagtulong sa kapwa
Sana, Cong. Cua, patuloy ka pang ipagpala

Miyembro rin ng grupong ito sa Cong. Irwin Tieng
Siya'y laging nakangiti; ang pagsalita'y magaling
Ang populasyon ng bansa raw ay sobra, iyan ay sinungaling
Dahil ang yaman ng ating bansa, sa mga tao rin nanggagaling

Isa pang miyembro ng "9YL" si Cong. del Mar
Na sumusuporta sa pagpapaunlad ng ibang mga lugar
Imbis na sayangin ang pera, suportahan na lang ang mga iskolar
At turuan sila ng mabuting asal para 'di lumaking bulgar

Nakikiisa sa mabuting platapormang ito si Cong. Velarde
Sa layuning protektahan ang dignidad at kalusugan ng mga babae
Hindi totoo na mahirap kaagad kapag ang pamilya'y malaki
Kung hindi naman sila bibigyan ng oportunidad, wala rin mangyayari

Huling kabilang sa grupong ito si Cong. Lucy Torres-Gomez
Na ang kagandahang panlabas at panloob ay walang kapares
Ipagpatuloy niya sana ang laban kahit kontrahin pa siya ng ilang beses
Dahil siya'y isang inspirasyon sa mga mabuti ngunit tila walang boses

Sumasaludo kami sa mga mabubuting lingkod ng bansa
Sila'y tunay na maka-bayan at tunay na maka-kapwa
Ating suportahan ng buong buo ang siyam na kongresista
Sa layuning protektahan ang pamilya at dignidad ng bawat isa



*Special Mention: 9YL. Mabuhay kayo lahat! Sana dumagdag pa ang numero na yan :)

No comments:

Post a Comment