ni: John B. Juat
palapit nanaman ang panahon ng halalan
kung saan mamimili tayo ng pinuno ng ating bayan
bumoto tayo sa mayo, ito'y ating karapatan
dahil sa ating pinuno nakasalalay ang ating kaunlaran
kapag tayo'y boboto, sana ay talagang pagisipan
ano ba ang platapormang kanyang ipinaglalaban?
ang mga programa ba ay makatutulong sa karamihan?
ang kandidato ba ay mayroong matinding paninindigan?
para sa aking pagpili, ito ang ating patakaran
una sa lahat, dapat siya ay tunay na makabayan
tinutugunan niya ang mga problema ng ating lipunan
hindi yung kokopyahin lang anumang ginagawa sa Kanluran
ugali ng pinuno natin, dapat maaaring tularan
hindi yung sumusunod ka dahil takot kang maparusahan
dapat may respeto, hindi yung minumura pinuno ng simbahan
dahil lamang sa trapik na kanyang naranasan
dapat rin maraming programa sa pag angat sa kabataan
pagandahin ang kalidad ng edukasyon sa paaralan
ito'y magsisilbing pundasyon ng kanilang kinabukasan
at paraan upang sila'y maging mabuting mamamayan
importante rin na kanyang magawan ng paraan
ang matinding korupsyon lalo na sa pamahalaan
kung magamit sa tama ang buwis na ating binabayaran
tiyak makakamit natin ang gusto nating kaunlaran
pamilyang pilipino, dapat rin tunay na pahalagahan
diborsyo, rh law, same sex marriage dapat 'di suportahan
kung ang pagwasak ng pamilya patuloy natin pabayaan
baka hindi na natin maiwasto ang matindini nitong kahihinatnan
maging maingat at matalino sa ating pagboto
para sa kapakanan ng bawat mamamayang Pilipino
No comments:
Post a Comment