23 July 2014

Isang Daang Milyon

Isang Daang Milyon
Ni: John B. Juat

Aabot na raw sa isang daang milyon
Ang dami ng ating populasyon
Paano na? Paano na tayo ngayon?
Ano nga ba ang tamang aksyon?

Paano na ang mahihirap na walang makain?
Kaya pa ba natin sila palakihin?
Paano ang mga bata? Kaya ba natin sila paaralin?
Isang daang milyon na tayo. Ano ang ating gagawin?

Isang daang milyon nga tayo, e ano ngayon?
Hindi ito ang problemang kailangan ng solusyon
Kurapsyon ang tunay na salarin, hindi ating populasyon
Na siyang tunay na yaman ng ating mahal na nasyon

Hindi lamang dami ng populasyon ang ating dapat suriin
Napakaraming malalaking isyu ang dapat lutasin
Kapakanan ng bayan, ating bigyan pansin
Huwag lang ang ating sarili ang asikasunin

Sa aking puso’t isipan, ang Pilipinas ay kaya bumangon
Sa kahit anong pagsubok, kahit anong hamon
Bayanihan ay ipakita, tayo na at umaksyon
Para tapusin na ang tunay na problema, ang kurapsyon

Maging bukas, kababayan, sa tunay na salarin

Huwag gawing rason ang dami ng populasyon natin

1 comment:

  1. Gusto mo ba ng online work?
    Earn while you enjoy time with your Family & Lovedones!
    Email me: tirada_uno_23@yahoo.com / tiradauno@gmail.com / n.helphelphelp@gmail.com
    For more details, kindly visit http://www.unemployedpinoys.com/

    ReplyDelete