Tribute to Fr. Francisco Bernardo

Fr. Francisco Bernardo

 ni: John B. Juat

Aking mahal na si Fr. Bernardo

Na siya rin tinatawag na Father Lolo

Isa ka sa pinaka mabuting taong nakilala ko

Sapagkat pinakita mo si Hesus sa buhay mo

Masakit sa akin ang pagkawala mo sa mundo

Ngunit… nagsasaya ka na sa maraming mga palasyo

Dahil pinaglingkuran mo ang napakaraming tao

At pinaramdam mo sa amin ang pagmamahal ni Kristo

Ang natutunan ko sa iyo ay kabutihang asal

Ako ri’y natutong kumapit at magtiwala sa Maykapal

Naranasan ko rin ang iyong matinding pagmamahal

Iilan ito sa mga natutunan kong aral

Napalapit ako sa iyo ng dalawang taon

Sa iyo ko todong naramdaman ang pag-ibig ng Panginoon

Dahil sa salita mo, nalagpasan ko ang ilang hamon

Pati narin sa pagtawag ng Diyos ay lagi tumugon

Kahit ikaw ay wala na sa mundong ito

Parati ka parin nabubuhay sa aking puso

Ikaw, lo, para sakin ay isa sa mga santo

Sana ay sa lahat ng paghihirap ay gabayan niyo ako

Habang ikaw, lo, ay nagsasaya kapiling ni Maria

Wala ka ng hirap! Puro na lang ginhawa

Buong buhay mong inialay sa paglingkod sa kapwa

Kaya parati ka naming maaalala sa aming puso’t diwa

Napakarami mong ginawang kabutihan sa iyong buhay

Para lamang sa ngalan ng Diyos, ang sarili mo ay inialay

Ang mga aral na mula sa iyo ay parati nasa aming malay

Ibang klase ka lo, wala kang kapantay!!!

Hanggang sa muling pagkikita natin diyan sa Langit, lo…

                                           Mananatili ka sa puso ko. Mahal na mahal ko kayo